Verstöh Dütschi dBärner im Thurgou? ;-)
E super Möglechkeit chlei e aständige Dialekt ds lehre u mi chli besser ds verstah :-) (giut o für Thurgouer u St. Gauer)
http://www.swissinfo.ch/ger/specials/deutsche_in_der_schweiz/index.html?siteSect=23005
…witeri wichtigi Begriffe:
Bärndütsch-Thurgouerisch-St. Gauerisch
Es tschuderet mi - - mir isch chalt
Gsundheit/Prost - zum Wohl - zum Wohl
Hungg - Honig - Honig
Himugüegeli - Mariechäferli - Mariechäferli
gränne - brüele - brüele
Gido - Lenker - Lenker (Velo )
glette - bügle - bügle
längi Zyti-Sehnsucht
Nidlechueche-Rahmchueche-??
Surrbeinli-Narrebei-Narrebei
Höirüüme-???-Höischnupfe
schnouse-???-schnöigge
chuteli-tschöpli-jäggli
aut-alt-alt
iiu - ja - ja
verchlüpft - ? - verschrocke
es het mi verchlepft - i loufe amok - es het mi vertätscht
wedele - büschele -
büschele - bördle - 
Äckegstabi - Hals Cheri - ?
hinech - hüt obig - hüt obig
Stau - Stall - Stall
Küderchübu - Güselchübel - Abfalleimer
schlöfle - schlittschüenle - schlittschüele
Pschütti - Güle - Güle
Chueche - Wäie - Flade
Turte - Torte - Torte
ÄUÄ!? - scho!? - sicher!?
ämu nii - emel nöd - sicher nöd
wine more - mega fescht - mega
Per - Vater - Vater
Mer - Muetter - Muetter
Tschou - Hoi - Hoi
für wiiteri Hiiwise bini dankbar !………………..
…di muesi unbedingt integriere dini Lieblingswörter
schöni Ferie witerhin!!
hmm, und was isch mit mine 2 lieblingswörter:
- heimlifeis
- rompusorig
ond es gröibschi = bätschgi
ond en moger = müürgu
was mer immer no keiner hat beantworte chönne:
wenn es chatze kann hagle, chann es dann au büsis hagle?
ond bin sognannte schöne schriftdütsche wort: fingerspitzengefühl - gibt es denn eigetlech au en fingerbeerigfüehl?