Gedicht; Im Chickenbus dür Oustralie… ;-)

Dr Afang vo däm Värsli isch ufem Wäg zum Wangarra Lookout entstange,

im Flinders Nationalpark ds Wilpena ganz unbefange…

Vo Januar bis April dür Oustralie chrüz u quer,

reise drü Bernermeitschi hin u här…

Pinnacles, Blow Holes u Pink Lake besichtige,

u nid ds vergässe ds Nature Window das schöne u wichtige…

Öb bis z ungerst i Schluchte chlättere,

oder über angeri Touris u Aborigines lästere…

Koralle schnorchle, mit Schiudchröte u Delfine bade,

bim Mt. Nameless u Frenchman Peak ufe u wider abe…

Ds Augusta ga d’Jewel Cave erforsche,

u am Abe ds Margaret River chli ga dorfe…

Uf höchi Füürussichts-Karriböim stige,

oder fu am Strand ume lige…

Uf schmale Pfade Schlangene u Echse begägne,

bi Uluru u Kata Tjuta tuets tatsächlech grad rägne…

Im Red Center lehre mir liebi Östricher kenne,u gö de am Abe ou nid so früeh ga penne

Ds Esperance hets e riese grosse Strand,

mit mähligem schneewissem Sand…

…

by Sabine