Seeländisches Turnfest Müntschemier
Nachdem dr Summer ja scho ewig uf sich het la warte, chunter genau am Richtige Tag is Seeland u dr Turnverein Kallnach fahrt am Samsti morge am 10i bi schönstem Wätter Richtig Müntschemier - mit em Velo versteit sich 
wi eh und je - as Seeländische Turnfest…
Mir chöme ersch Mitti Nami mit turne dra u hei drum gmüetlech Zyt üsi drü Zäut uf ds steue.
Wöu ds Wätter so richtig summerlech heiss isch, schwitzemer scho nume bim zueluege wi di angere Vereine turne…
Nach aständigem Iturne dörfe mir de ändlech üses Schoukuringprogramm zeige u dNote 9.10 isch äue chlei ds guet für das womer zeigt hei. Es fäut houptsächlech ar Einzu-Usfüehrig…
Bode/Sprung Grätkombi womer e Stung speter zeige wird drfür viu töifer bewärtet aus letscht Jahr u sgit mit 8.87 leider kes agsträbts 9i 
(leider vergässe gange Föteli ds mache )
Am Abe simer aus letschts no mit Fachtest dranne u die wo müesse sekle tüe eim i däre Hitz chli Leid 
Nach däre letschte Asträngig hei sich aui es Apéro verdient u fröhlech stossemer uf üsi Leistige a… nachher gö mir ohni ds dusche ga ässe - es isch soooo düpig im Festzäut, dass das sowieso nüt hät gnützt… Härdöpfustock, Gmüess u ds Gschnätzlete isch fein u bevor i mis Täuer ha lärgässe steit ds haube Festzäut bereits uf de Bänk u Tische…
…sisch so schön warm, dass me nid erfrüürt ou weme ersch am morge am 4i gäng no im T-Shirt u churz Hose sich ufe Wäg Richtig Zäut u Schlafsack macht 
Mir dörfe aständig fiire wöu mir dr eiteilig Wettkampf am Sunnti ersch am Mittag müesse absolviere. D Reglä, dr Aschi u i stöh am haubi zäni aus Letschti uf u paar Vereinsmitglieder boue scho Zäut über üs ab
zMorge gits leider nümme um die Zyt u mir begnüege üs mit emne Hamburger u emne Kaffee bzw Tee…
Rächtzytig für ds Team Aerobic si mir de ou fit u ds Programm louft rächt guet… Leider si paar Standteili nid gstange worde, süsch hät mir äue es 9i erreicht u üs nid mit emne 8.93 müesse ds fride gä… Tja so wärde mir üs ämu theoretisch bis i drü Wuche am Kantonale Turnfest no aständig chönne steigere!!
Es grosses Merci üsem Oberturner, em Beätu u üsere Vizeoberturnerin, er Nice - öii Programm u Betreuig si eifach suuuupeeer
Ha ihr 2 seid lustiges Kerlis
….aber wer bist du Donghua Li? Aber nicht etwa der Richtige, oder? Hä?
Dochdoch, Herr Li! Du bist auch ein sauglatter Cheib
…….und meiner, ist der nicht auch ein ganz toller Beitrag?
…wi wärs mit emne “Verkaufsusflug” ufe “Seeländisch Gmüespfad”?? …das wär doch öpis
Scheisse, da bin ich platt! Es gibt tatsächlich ein Dorf, das “Müntschemier” heisst und sich auch so schreibt!!! Und ich dachte zuerst, das sei wieder einmal so ein bärner Chuderwäutsch, das nur die Eingeborenen - äh, Einheimischen verstehen (und von denen hat es immerhin knapp 1300! … oder ist das total inkl. Kühen, Schweinen, Katzen, Ringturnerinnen etc.?). Und einen Gemüsepfad hat’s auch, den muss man einfach gesehen haben!
Und der Gemeinderat setzt sich zusammen aus - man wundert sich kaum - 5 (FÜNF!) SVPlern (und nebenbei noch zwei Parteilosen).
Hallo Schaukel-Ringerin Sabine, herzliche Gratulation zu der tollen Homepage mit soviel Turnereinträgen. Und es hat auch viele schöne Bilder drin vom Turnen und so. Was mich aber schwer an meine Zeit in China erinnert, sind die zensurierten Blogeinträge und der Eintrag bei denen man ein Passwort braucht. Schade, steh doch dazu und achte die freie Meinungsäusserung, die ist nämlich sehr wichtig, im Fall.. Gruss Donghua
(ein Lächeln am Schluss, wie der Sunshine;-) )