Tschüss Erich Keller AG - isch e schöni Zyt gsi u bi scho grad chli truurig

A mim letschte Tag hani dr Arbeitsplatz ufgruumt u mit em Pädu Inventur vo de Nespresso Lagerteili gmacht. Mir hei üs bländend verstange dunger im Chäuer …

I ha es super Datum für mi letscht Tag verwütscht wöu am Abe ds Wiehnachtsässe vo EKAG het stattgfunge. Nachdem i dSchlüssle ha abgäh u aui loufende Ufträg übergäh bini ou no schnäu i Löie u mi när birEsther ga umzieh

Ds Apéro u ds Ässe hei wi ide vordere Jahr ir Firma stattgfunge. Sisch fein gsi wi gäng u dAbteilig Bank het es super Programm zämegsteut. D Seppä, ä Gruppe Kunst- u Grätturner wo dr Säschu ou drbi isch hei e lustigi Uffüerig am Barre u Bode zeigt. Nach em Dessert si üsi Neulinge zum Isatz cho u hei ou chli müesse turne…

I ha mini liebe Teamarbeitsgspändli no es letschts Mau tierisch gnärvt wöui uf enes Gruppeföteli ha beharrt

ja u mit Hiuf vom Peschä hani mi Gring düregsetzt u dank em Olli si di Föteli richtig guet usecho :

no paar angeri Föteli :

Ds einzige wo schad isch gsi a däm schöne aber für mi wehmüetige Abe isch dasi mi vom Erich nid ha chönne verabschiede… Är het nid am Wiehnachtsässe chönne teilnäh wöu ihn dGrippe totau verwütscht het. Wünsche ihm gueti Besserig u i wirde sicher bi EKAG ume mau cho ine luege - was gits fürne bessere Grund mau es Usflügli id Ostschwyz ds mache??

Auso machets guet!!! …u du Sunshine häb Sorg zu däne Jungs - ganz bsundrigs zum Köbi, jetz wo ig de nüm da bi