…zügle hei ids Berner Seeland :-)

Dr Wale u dr Dario si scho am haubi achti am Morge ds Kreuzlingen vor dr Tür gstange, dr Steffu u i si zum Glück uf u agleit gsi

u am haubi zähni heimer aus wo is Outo passt het verlade…

Wengus Bus isch so vougstopft gsi, dass me dMöbu udChistene gar nüm het müesse bzw. het chönne abinge

Dr Wale u dr Dario hei de no ghoufe er Karin ihre Tisch wider zämeboue u d Lampe uf ds hänke…

De simer uf Kallnach gfahre, ids Bahnhöfli fein ga ässe u i mim vorübergehend Nöie u glichzitig ursprünglech ganz aute Däheim ga uslade.

Ds Schüpfe hei de ou no Sache müesse abglade wärde u bim liebe Werner wo i dr Bus ha dörfe usleihe hei Wale u i grad ds Outo tuuschet.

Läck isch das e asträngende Tag gsi - uspacke hani nümme möge u übernachte drum bim Bruderherz ds Bern.

No mau es riesigs MERCI mini liebe, flissige u hübsche Häufer!!!

…

Am nächste Weekend hani aui rästleche Sache usserd ds Velo, Snowboard u zwöi Möbeli chönne mitnäh, dank Wales Kombi

Leider hani ke krasse Vorher/Nachher Verglich aber wenigstens gseht me dank dä nöiie wisse Fronte wi ds Zimmer doch e chli heuer isch worde:

…auso für ds Büro hets ou no Platz i däm Zimmer (dört wo dFotografin bi däne Föteli isch gstange) aber das bringt me irgendwie nid gschid ufs Foto drum hanis grad la si…

ja ja so laat sichs scho la läbe - wird ja nid für immer si