7 September, 2009
von Sabine

75 Jahre Jubiläum Turnverein und Jodlerklub Kallnach

Turnverein Kallnach 2009Jawohl :-)Yeahhh uf di letschte drü… (weiss immer no nid wär das Foto gmacht het…??)hehe das Foto isch würklech ds Schrecklechste wos vo mir git - het aber öpis :-)

Em Friti Abe ischs los gange mit emne chline Barbetrieb ir grosse Konzerthaue ds Kallnach :-)

Es isch lustig gsi u mir wo hinger dr Bar hei dörfe schaffe hei ke Stress gha wöu nid so viu Lüt si cho… Friti Abe isch immer schwirig u es het ou niemer mit me Lüt grächnet.

Bruderherz aus wichtigste Chund ;-)Barpersonal

ja ja vorusse am rouke…Turner oder Jodler?? ;-)hehe mir hei üs gfragt öb Turner besser chöi jodle oder dJodler besser turne…Stifurundineabchlopfe

Em Samsti hei sich de Turner am Mittag bir Turnhaue troffe zum vorusse Grät u Matte parat ds mache für dVorfüehrige u füre Sponsorelouf. Am eis het du dr Ändu aus Presi vom TV u dr Öttu, Mitglied vom Ok u “Turner aller Zeiten”, aui Turner wo zu däm Jubiläum si erschiene begrüesst. Zwüsche üse Vorfüehrig het me im Singsaal u im Durchgang vorem Chindergarte vili Föteli, Fiume u Powerpointpräsentatione vor 75jährige TV- Gschicht chönne bestuune u i aute Errinnerige schweuge…

Ausstellung “Turner aller Zeiten”“kennsch dä?”……Shet scho so mänge schöne Moment gä zäme mit em TV Kallnach :-)

Wo i dFöteli vom Seeländische Turnfest 1996 ha agluegt, bini mir ou scho uuuuraut vorcho… das isch mis erschte Fest gsi woni ha dörfe im TV mitturne - vor 13 Jahr!! U jetz bini di eutischti aktivi Frou im Turnverein… ok das isch jetz nid ds höch ds gwichte wöu i schliesslech 1998 zu dä erschte ufgnone Froue im TV ghört ha :-)

Ds ganze Namiprogramm het chönne dusse stattfinge..de Ching hets eh Spass gmacht bi so viu Bewegigsmöglechkeite……si doch einigi ehemaligi Turner cho…au Stung findet es Programm oder dr Sponsorelouf statt

Dank em schönere Wätter aus eigentlech isch provezeith worde het üses ganze Samstinamiprogramm dusse chönne stattfinge :-)

Am eis het ds Team Aerobic stattgfunge - da ha i usnahmswis mau nid gfötelet sondern ds Programm gnosse…

E Stung speter het d Jugi zäme mit em TV e Tumblingbahnshow zeigt…

E Horde Grätturneriiturne…Jugi u TV ir gmeinsame Vorstellig……dr Ürsu cha di Teili no obwou er se scho 4 Jahr nümm het gmacht :-)dsc09784.JPGdsc09792.JPGja dManne si scho chli höcherSuuuper Abschlussbiud :-/dr ÄnduMischuPäduüse Turnverein :-)

anschliessend isch dr Sponsorelouf ufem Programm gstange - läck si das 4 asträngendi Minute gsi… Aber mini 12 Rundine hei sich für e Verein emu glohnt :-)

sisch mir gar nid drum :-(s hät mi nid gwunderet weni das Hindernis hät übere Huufe gworfe ;-)es het emu gäng glängt…:-) :-) tztzschön ume Pfoste……

Am 4i isch de ds Bode/Sprungprogramm vor Grätriege ufem Programm gstange…

D Jugi isch am Seel. Jugitag mit däm schöne Programm 3. wordedsc09825.JPGdsc09827.JPGdsc09831.JPGdsc09832.JPGsuper macht das üse Nachwuchs!! Komplimänt :-)

aus Abschluss het dr TV am 5i sini Grätkombi dörfe zeige. I ha ds Programm zum Glück chönne obwou is ds letschte Mau am usserkantonale Turnfest gmacht ha - ok dSprunghöchi het scho glitte :-/ …

los geits…ja synchron simer aber dr Küsu isch es birebitzeli höcher ;-)…vougas ;-)dsc09842.JPGam Bode chani nüt verruckts…dHebefigure si immer wider schön zum aluegedsc09847.JPGJawohl :-)stevou Fahnenträger u Presi TV

Gli si scho ume aui ir Konzerthaue irgendwo iteut gsi zum schaffe oder hei sich dörfe ufene Uftritt vorbereite… I ha dr Afang vom Abe no frei gha, bi bir Barrenvorfüehrig aus Fahnenträgerin tätig gsi ;-) u de aus letschts Programm ir Jackson Uffüehrig aus Zombie tätig gsi :-) Zwüschin si Frouerige, Damerige, gmischte Chor… u säubstverständlech dr Jodlerclub zum Isatz cho uf dr Bühni.

dr Aschi am BarrenMischu schöni Spannig!

dr Papi het mit em gmischte Chor dörfe ufträteUftritt vom DTVIsch eifach super dis Programm Nice!dJackson dancerüses Jackson Programm zu Trillerbi däne gruusige Zombies bini ou drbi ;-)Beätu isch ds geilschte Zombi over the world.. heheAschihehe das Foto isch würklech ds Schrecklechste wos vo mir git - het aber öpis :-)dClaudia macht sich auso o nid schlächtÄndukomischs Gschöpf.. ahhh…sportlechi Zombis

Nach blitzartigem Abschminke hei mir zäme mit de Jodler wi sichs ghört im Vereinstrainer bzw. ir Uniform uf dBühni dörfe u de ganz am Schluss zäme mitem Georg d Seelandhymne singe - sooo schön heimelig isches gsi!!

Grande Finale…uf dr Bühnivo witer hinger hets so usgsehmit üsem Star em Georg Yeahhh!!……

Für mi het när grad am eufi dr Servicedienst agfange. D Lüt si gli mau id Bar oder hei, so dass mir ke Stress hei gha u ds Ämtli früener hei dörfe abgäh…

I ha mega fröid gha dass dr Mäthu a däm Abe isch a üses Fest cho. Wöu är am nächste Tag no het müesse ga schaffe ischer de mau hei. Für mi isch dr Abe ir Bar witergange…

Ürsu, Reglä u Pädu:-)Merci DJ Pädugmüetlechi Stifurundi mit singe vo meh oder weniger bekannte Liedlina na lala la la…di si definitiv ds viu gsi!!…ok, DIE si ds viu gsi…dr Ürsu isch ungloublech standfest…Yeahhh uf di letschte drü… (weiss immer no nid wär das Foto gmacht het…??)

isch lustig gsi bis am morge am sächsi wos ume isch häu worde… I bedanke mi hie no bi aune wo e mega Arbeit für das Fest hei gleistet - vor aune bim OK und am Bauteam!! Super gsi!! :-) :-)

…uf die nächste 75 Jährli!! ;-)

12 Kommentare zu 75 Jahre Jubiläum Turnverein und Jodlerklub Kallnach

  1. Sunshine ;-) September 18th, 2009

    …klar doch darfst du zurück in deine Heimat…. ;-) gerade wenn jemand zurück in Randregionen geht fördert er doch das Verständnis untereinander… ;-) und das würde den Kanton Bern sicherlich weiterbringen ;-) ….sozusagen Entwicklungshilfe im kleinen ;-) der Kanton Thurgau fördert den Kanton Bern ;-) hihihihihihihi chchchhchch

  2. Sabine September 16th, 2009

    …wär wott scho Thurgauerisch redä?? …de dörfti ja gar nie me zrügg uf Bern :-( …

  3. Sunshine ;-) September 16th, 2009

    ….allerdings ;-) aber du hast dich schon ein bisschen angepasst…… aber mit dem Dialekt harzt es noch gewaltig ;-) chchch

  4. Sabine September 15th, 2009

    don`t panic ;-) sunshine…
    ha wider mau aues behobe :-) wöu dopplet müesse dini Kommentär ja würklech nid vorhande si ;-)
    …he du darfsch nid vergässe dass sich hie umne bernerischi Website handlet… daaaaa geeeeiiiiit haaauuut aaaauuuuueeeees eeeeeeeee chleeeeeiiiiii laaaaaaangsaaaaaaameeeeeeer……. ;-)

  5. Sunshine ;-) September 14th, 2009

    …wieso? Meine Kommentare sind doch gar nicht schlimm…….
    :-( …. oder? ;-) Ich bin eigentlich ein ganz ein Netter…. manchmal einfach ein bisschen frech….. zu frech ;-) Leider hat sich das Gotti immer noch nicht daran gewöhnt, obwohl sie sich jetzt schon über 2 Jahren in der wunderschönen Ostschweiz mit noch schöneren Ostschweizern weiterentwickelt ;-) ;-) hihihihihi

  6. Sabine September 14th, 2009

    Hey Karä, cool dass du di getrout hesch zwüschem Sunshine e Kommentar abdsgäh ;-)
    bis gli mau wider… :-)

  7. Sunshine ;-) September 14th, 2009

    …Gut hast du das Fussketteli an beim Turnen, sonst würde man dich fast nicht kennen in dem Turngwändli ;-) hihihihi

  8. Karina September 14th, 2009

    hähääää ds isch ja äuä z geilschte pic! zomine… ;) cooli page… lg, karä

  9. Sunshine ;-) September 11th, 2009

    Genau! Und überhaupt, mit so wenig Einsatz schafft man es sicherlich nicht auf deinen Blog :-/ Minimalist! ….absolut keine Ahnung!!! :-(

  10. Sabine September 11th, 2009

    Ds gwünschte Foto existiert nid - isch äue besser so :-( …

  11. Sunshine ;-) September 7th, 2009

    …..aber das gewünschte Foto fehlt immer noch…… Oder habe ich die Bilder nicht richtig angekuckt…… ;-)

  12. sunshine ;-) September 7th, 2009

    …..hey Kleine, wo bleiben die Fotonen? Du weisst schon was für welche ich erwarte, gell? Grüessli und bis morgen in aller herrgottsfrüh :-(

Leave a Reply

XHTML: Du kannst folgende Tags benutzen: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>