Mittelländisches Turnfest Biglen

dTurnfestsaison isch zum Glück unfaufrei beändet

di angere vom TV Kallnach si jetz äue am Znacht oder scho ide Möscht… was si sich ou verdient hei mit ere Barrenote vo 9.25, ere GK (Grätkombi Bode/Sprung) 9.20, Schoukuringnote 9.30, Allrounder 8.77 u Team Aerobic 8.85

Für mi gits kes Fest wöui morn sött fit si zum no paar Site a mire Diplomarbeit seriös ds schribe drum bini scho wider däheim…

eh ja nächsts Jahr gits ja de ou ume Turnfest u di Diplomarbeit gits hoffentlech niiiiieeehhhh meh!!! :-/

Es paar Idrück vo höt Morge u Nami:

Abfahrt 6.15 Uhr ab Bahnhof Kallnach, drü mau umstige…

…bis mer ds Biglen achöme. De mache mir üs sofort ufe Wäg id Barre/Bode/Sprung - Haue.

Leider isch ds Liecht i däre Haue u ou speter ir Team Aerobic Haue sehr schlächt gsi u es het ke gueti Föteli gä

Ds Warte chunnt eim zersch lang vor u plötzlech ischs sowit: Barre ufsteue u iturne…

dr Fähnrich darf nid fähle… wöu dr Pädu nid da isch, wird jewils spontan e Steuverträter/in gsuecht

Barren 9.05 Uhr

ds Programm isch sehr guet gsi aber leider nid ds toppe mit däm perfekte Durchgang vom Seeländische letscht Weekend.

Boden/Sprung 10.50 Uhr

Ds Programm het dä Kampfrichter zum Glück ou hie sehr gfaue obwous no viiiiiuuuu ds verbessere gäb - vorauem bis Einzu-Usfüehrig

Schaukelring 12.00 Uhr

es isch schön gsi ds dritte mau i mire Karriere unger freiem Himmu ds turne

…ändlech Mittagspause

när ga Zäut ufsteue… ds Wätter weis nämlech nid so gnau wases wott - bis jetz hets zum Glück gha…

hingerem Boum uf däm Höger obe steit dSchaukelringalag… mi isch scho nume müed worde vom hin u här loufe

gemäss Thömus u Ändus Gsichtsusdruck isch Zäut i Beschlag nä e extrem ärnschti Aglägeheit…

Team Aerobic und Fachtest Allround 15.00 Uhr

ir Haue säuber het me leider kes Föteli ds stang bracht wäg em schlächte Liecht u vom Allrounder hani ou keni Föteli…

so jetz heissts “Turnfest bis zum nächsten Jahr”