Märlihafti Hochzyt…

Nachdem sich dReglä u dr Ändu wortwörtlech standesamtlech “trout” hei gha, si e huufe angeri Lüt u ig letscht Samsti 30.08.08 zur chiuchleche Hochzyt u zum Hochzytsfest am Abe iglade gsi…

Dr Höhepunkt ir Chiuche isch nachem gmeinsame “Ja” Wort dr Gsangsvortrag mit Gitarrebegleitig vor Michaela Weber gsi. Si het ar Reglä u Ändus Lied vo dä Spice Girls gsunge wo si denn vor öpe 10 Jahr bi ihrem erste Date dCD hei kouft

När si wahnsinnig viu Lüt cho Spalier stah bi troumhaftem Wätter!..

Nach Gruppefoto Termine hets du e Vöukerwanderig Richtig zukünftigs däheim vo üsem Brutpaar gä. Di einzigi wo nid het müesse loufe isch dRegula gsi.

Scho dChiuche u ou Ändus Schopf isch vor Prisle wunderschön mit Efeu, Ähri u Sunneblueme wunderschön dekoriert gsi u dr Meier het superfeini chauti Platte ufgsteut gha. Mhhh so fein….

D Vereine u Ändu`s Chef hei sich veiechlei öpis la ifaue u ds Brutpaar isch ganz schön uf Trab gsi:

Dr Moonlight-Verein het sich öpis usdänkt wome drmit glatt bi Wetten Dass??? chönnt teilnäh

Dr Ändu het sire Brut u sich mau ganz angers zwöi Baccardi Cola dörfe ischänke. D Brut het genau müesse zeige welä wäg no chli korrigiert mues wärde, dass nid ds viu vom kostbare Guet drnäbe geit!

Di zwöi Schöne hei knapp Zyt gha mit däne liebevoue Baccardi Cola adsstosse, da het sich dRegula müess im “Kränle” üebe. Das hät dr Ändu natürlech lieber eleini gmach aber mi hets fasch nid gmerkt D Reglä het das chline Eichli perfekt abem Wage is Loch abgsetzt. Bravo!

so eifach hets ihne dEichefuer aber nid wöue mache. Das Böimli mues schliesslech no gsetzt wärde! Mit ere normale Schufle isch das ja viiiu ds eifach, drum hei di zwöi müesse Frage zur Eichefuer beantworte u bi jedere fautsche Antwort het dr Ändu 10cm vom Stiu müesse absage…

Sisch du no chli Stiu übrigblibe u dr Brütigam het das Wunderwärk dörfe beände

I ha ds Brutpaar zwüschinne schnäu chönne usem Gschehe userisse zum eigenützigi Föteli mache

Zur Belohnig hets vor Eichefuer no es zwöits Gschänkli gä… sone cooli Idee: vorne Eiche ghört natürlech es Bänkli!

Vom Ändu sim Chef hets du ou no e Überraschig gä….

viu Verpackig - kostbare Inhaut - auso dr Ändu het uf jede Fau e risigi Fröid….

O dr TV Kallnach het zum Glück a däm Apéro nid gfäut Nachdem dReglä e Üebig für e Ändu am Barre het zämegsteut gha het är die pravoureus gmeischteret… Bravo!!